الصبر

جلجل الليل بحزن حدر الظلوع
ونامت بسد الكلب حفنة جمر
وجودرت بالروح الام الغياب
اووشلت بعروكهه عيون الصبر
وسلهمت عيني اعلى مندر ذكريات
والنهار شما يجي مغمض يمر
لا فجر ينطر ولا عين التنام
تخلبصت بيناتهه خيوط الفجر
ماشفت مد بجرف بحر السنين
خلصتهه وياي بس جزر بجزر
والصبر سموه صبر جي طعمه موت
ويتغدى من الكلب وكت العسر
بصاج حامي وكاللك يالله استريح
وهسه تفرج لكن شويه انتظر
واحسب اوراك العمر لمن تطيح
وركه وركه وتخلص سنين العمر

يسلمووو رائع

اهلا اختي منوره